مــــنـــــتـــــــدي الــضــيـــــعـــــــــــــــــــــــة
أهلا وسهلا في منتدي الضيعة منورين والله يلا زي الحلوين سجل بالمنتدي هون عنا وخلينا نستفيد من بعض يلا يا عمي الأمور هو انت لسا حتفكر روح علي رز التسجيل

قصيدة الاهبل ـــ أهبـــــــل ..من فلسطين

استعرض الموضوع السابق استعرض الموضوع التالي اذهب الى الأسفل

default قصيدة الاهبل ـــ أهبـــــــل ..من فلسطين

مُساهمة من طرف برنسيسة الضيعة في الجمعة أكتوبر 24, 2008 7:57 am

ولك يا اهبل


ولك يا اهبل شو حتغير؟؟


وعل عشى عازمين كل ليلة ابليس..


على التنوره مهند


وعلى البلوزه لميس


وتشوفو من بعيد..


من النفخه تفكرو رئيس


نتعرف عل اخ..


أشرف من جامعة ابو ديس


ولك يا اهبل شو حتغير ولك يااهبل..


سهم ارتمت عينك على الغصن..


ولك فتح الجذر تنبل..


ولك يا اهبل شو حتغير


جيب شبح وطخ بحارة نور..


بالاخر على المحسوم تقلب كراسي وتحل النمر..


وتحلف بالله هالشباب زي القمر..


تصبح تماسي وعلى الحيطان يتلزقو صور..


ولك يا اهبل شو حتغير


محمود دخل بالسلطه


وخوه دخل لمعارضه


واحد ينادي يا قدس


وواحد يجوه الله تصير الامه ناهضه


والحكومه ماسكه الجوال


وتصوت بالا بي سي لاحلى عارضه


ولك ياهبل شو حتغير ولك يا اهبل..


وزير يعقد عرسو بجراند بارك


وثاني ينافسو ويعملو بزياده اشول..


ام احمد جابت توم


شو هالحكي؟؟


والله غير السنه بعشرة توام احبل


وتدوووووووور تدور ..


وتظل القصه بوت ينافس صندل..


ولك يا اهبل شو حتغير


بالمطعم ما توكل الا بشوكه وسكين


وثمها سانتي او اثنين


ولو لمحة شعره بصحنها


تقول : يأي سوفاج صاحب المطعم وين


ولو تشوفها بالبيت


تمسك خاروف محشي


وتقسمو نصين


سمنه ورز وزفره تترمى على الجنبين


ولو زورت تفتح فرع مش حاصرح وين


ما تعرفلها ورا من قدام


واسمها


زليخه او ام حسين


ولك يا اهبل شو حتغير؟


لحيتين ومره جالسين ورا البار


تدخل الانسه بغله


يدخل الموقر حمار


الينهق بامتياز لبيروت يروح


والي ينهق بنشاز يرجع على الدار


يتوسع البار اكبر بشوية امتار


فرقة غنم تعزف


وتصفق لبقار


انت تسميه محمره


هو يسميه منهقة


وغيرنا يسميه سوبر ستار


ولك يا اهبل شو حتغير؟؟


ومو باية تنطفي ذنوبي..


ولا تضيع وقتك تعدلها


بقولة يا منحرفة توبي


تراها وحده بمصر روبي


بس ببلدي


الف صلاح الدين الايوبي


ولك يا اهبل شو حتغير؟؟


برميل النفط طالع نازل


الارض والسما ميكل


والي تظنو حليفك


عقد اتفاقو مع سحيكل


واحنا بسيارة عمومي


نتكاتل ع نص شيكل


ولك يا اهبل شو حتغير؟؟


نصلي لامريكا استسقاء


بلكي ينزل مطر


ونقرا ما تيسر من مبادرة الدوحه


تلاشيا ايا خطر


العمى صابك


القاعدة الامريكيه تسرحها على كيفها


بوسط قطر


ولك يا اهبل شو حتغير؟؟


وعندك على سبيل الطفر


هالمحترم اسمو عمر


شاب مبهدل.. وحاطط عينو على قمر


كل اعتمادو على حواس الشم


ولا غص البصر


بغض النظر ..


والجزر يقوي النظر


عمر..


عمر..


اليوم سلم سهام


ومبارح سلم سحر


وخشمو بمباحثات سريه


شمشم.. يمكن يورط سمر


وعبطني تقرير مربع


لو عبطتو لجبل كفر


الاخ بيشتغل مندوب جامعي


لمكافحة ايا خطر..


استحلفكم بالله ..


بيختلف الاخ شي عن كلب الاثر؟؟


ولك يا اهبل شو حتغير؟؟


والواكس بيعمل عجايب


بيشبب الرامي اسنانو


وحتى الكهني الشايب


والديرتي بالخصر الساحل


عاجقني بين الحبايب


وبهيك بنقدر نقول


يحد فلسطين من الجهات الاربعه


مال سايب..


ولك يا اهبل شو حتغير


على ابوي قبل ابوك تف


ونزل الانتخابات


نشر الصور وحرق الملف


عدد شعر راسك دخن حشيش ولف


ويوم الجمعه يصلي باول صف


ولك يا اهبل شو حتغير


من خمر جبينو بنا الخماره


ومو قصه ان صار بدل بيتو عماره


وليموزين بدل لحماره


ومن دارو لدار عمتو يركب طياره


مو قصه ترى بظهرو وزاره


ولك يا اهبل شو حتغير


تبصم على قمة عرب


وتسكن الحيره اصابعك


يا هل ترى مين للمفاوضات انتخب؟؟


فلان ولا فلان لا فلان الفلاني ذنب


طيب اتوقع ال حامل لواء المسب


لا لا هاذ ورا مكتبو مبروز صورة لابو لهب


يا بعد عمري


احمل نقطة دم شهيد وجلسها على الكرسي


بشرفي نقطة الدم تفاوض اتخن شنب


ولك يا اهبل شو حتغير


بالاخر تطلع غلط


وواحد زائد واحد يساوي ثنين تطلع غلط


كل من مشى بمعادلاتنا


بعد اليساوي يا اما انشل


يا اما انتحر


يا اما انجلط..


ولك يا اهبل شو حتغير


هذي بلد ما يصلحلها التغيير


وكل سوسو


ولا مروه


ولا عبير


يمكن يرق القلب شوي


ترى الي تتمايل على الجنبين


تصلح دواء لاتخن وزير
avatar
برنسيسة الضيعة
عضو مميز

انثى عدد الرسائل : 290
العمر : 22
الاوسمة :
الدول :
تاريخ التسجيل : 07/04/2008

الرجوع الى أعلى الصفحة اذهب الى الأسفل

default رد: قصيدة الاهبل ـــ أهبـــــــل ..من فلسطين

مُساهمة من طرف MoOn LiGhT في الجمعة أكتوبر 24, 2008 8:07 am

هههههههههههههههههههههههههههه

مشكورة برنسيسة

شو هالقصيدة هاد
avatar
MoOn LiGhT
عضو مبدع

انثى عدد الرسائل : 979
العمر : 29
الاوسمة :
الدول :
تاريخ التسجيل : 14/12/2007

الرجوع الى أعلى الصفحة اذهب الى الأسفل

default رد: قصيدة الاهبل ـــ أهبـــــــل ..من فلسطين

مُساهمة من طرف لعيـونـك يـا فـلـسـطــيـن في الجمعة أكتوبر 24, 2008 10:47 am

ولك شو هادا

بجد الهبل رسمي

مشكورة
avatar
لعيـونـك يـا فـلـسـطــيـن
عضو مبدع

انثى عدد الرسائل : 3472
الموقع : O?°\\\'¨ (DaRk EyEs ) ¨\\\'°?O
الاوسمة :
الدول :
تاريخ التسجيل : 02/10/2007

الرجوع الى أعلى الصفحة اذهب الى الأسفل

default رد: قصيدة الاهبل ـــ أهبـــــــل ..من فلسطين

مُساهمة من طرف زائر في السبت أكتوبر 25, 2008 12:12 pm


ههههههههههههههههه
حلو هذا الهبل
ههههههههههههههههههه
مشكورة كثير برنسيسة بس اشوفك
دمتي بود يا قمر
avatar
زائر
زائر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى